СҚО-да жазғы туристік маусым ашылды

Авторы: Qyzyljar News

Шалқар-Имантау курорттық аймағында жазғы туристік маусым ашылды. Салтанатты жиынға еліміздің Мәдениет және спорт министрі Дәурен Абаев қатысты, деп хабарлайды Qyzyljarnews.kz тілшісі.

–Шалқар-Имантау — Қазақстанның ең әдемі жерлерінің бірі. Бірақ инфрақұрылымын дамыту керек. Ішкі туризмді дамыту мақсатында бірқатар жұмыстар жүргізілуде, жоспарлар да бар. Егер де инвесторлар келіп, жобаларын жүзеге асырса, мемлекет тарапынан қаржыларының 10 пайызын қайтарып беруге дайынбыз. Ата-аналар балаларын алып келсе – «Kids Go Free» жобасы арқылы әуе билетін тегін ала алады, — деді министр.

Жазғы туристік маусымның ашылуына орай түрлі картиналар мен қолөнер бұйымдары, ұлттық нақыштағы оюлармен өрнектелген ағаштан жасалған ыдыстар жәрмеңкеге шығарылды. Сондай-ақ, келушілердің назарынан атақты бүркітші Мәсіп Батырханұлының атындағы жылжымалы көрме-мұражайы ұйымдастырылды.

– Атам Мәсіп бүркітшіліктің арқасында өткен ғасырдың 30-шы жылдарында өз елін үлкен ашаршылықтан сақтаған. Қартайған шағында да қолынан бүркітін тастамайтын. Бүркітшілік сияқты төл өнерімізді төбеге шығаруымыз керек. Жұртшылық көрсін-білсін деп бүгінгі шараға атсалысып отырмыз, — дейді «Демалыс және туризм индустриясы ассоциациясының» президенті Шынарбек Батырханов.

Курорттық аймаққа келген меймандар үшін солтүстікқазақстандық және елордалық өнерпаздар әсем ән шырқап, биден шашу шашты. Ашылу салтанатында волейбол, үстел теннисі, садақ атудан спорттық сайыстар да ұйымдастырылып, келген қонақтар уақыттарын көңілді өткізді.

whatsapp image 2022 06 27 at 12.16.28whatsapp image 2022 06 27 at 12.16.29

Фото: Qyzyljarnews.kz / Талғат Тәнібаев

Ұқсас жаңалықтар

Қазақстан Республикасы Ақпарат және қоғамдық даму министрлігі Ақпарат комитетінде 2022 жылғы 20 қаңтарда тіркеліп, №KZ76VPY00045027 куәлігі берілген.

Меншік иесі:  

СҚО әкімдігінің «Қызылжар-Ақпарат» ЖШС.

Яндекс.Метрика

Директор —

Ербақыт Амантайұлы

Сайттың бас редакторы —

Аманжол Нұртазин, aman_nurtazin@mail.ru

Тілші:

Мадина Нуркина, +77057396494, Nurkinamad@mail.ru

SMM-менеджер:

Айжана Шайкенова,

+77782191267

nadyasaf070@gmail.com

@2022 — Designed and Developed by qyzyljarnews.kz