Сүт пен кілегей өндірісінің жартысы Солтүстік Қазақстан облысына тиесілі

Қазақстанда сүт 22%-ға қымбаттады. Саладағы өндіріс төмендеп жатыр, деп хабарлайды Qyzyljarnews.kz тілшісі.

Еnergyprom.kz сарапшыларының мәліметінше, биылғы маусым айында сүт бағасы айына 2,4%-ға, жыл басынан бері 17,2%-ға және бір жылда 21,5%-ға өсті. Өткен жылы бағаның жылдық өсімі небәрі 9,5 пайызды құраған еді. Елімізде үстіміздегі жылдың қаңтар-мамыр айларында өңделген сүт пен кілегей өндірісі 235,3 мың тоннаны құрады. Бұл көрсеткіш бір жыл бұрынғыдан 7 пайызға аз.

Сарапшылардың мәліметінше, сүт пен кілегей өндірісінің жартысы Солтүстік Қазақстан (75,7 мың тонна) және Алматы (44,2 мың тонна) облыстарына ғана тиесілі. Өндірістің айтарлықтай көлемі Ақмола (34,2 мың тонна) және Қостанай (28,5 мың тонна) облыстарында да байқалды.