Қазақстандағы ет одағының болжауына сүйенсек, ет тағы да қымбаттайды, деп хабарлайды Qyzyljarnews.kz тілшісі.
Қазіргі таңда сиыр етінің бір келісінің өзі 4 мың теңге тұрады. Алдағы уақытта бұл баға одан әрі көтеріліп кетуі мүмкін. Айта кетсек, біздің еліміз ет тұтынудан әлем бойынша 49-шы орында тұр.
Сарапшылардың сөзінше, делдалдар еттің бағасын көтеріп жіберетіндіктен қымбатқа шығады. Тіпті кейде үстінен 50%-ға дейін қосады. Осыдан кейін қарапайым сатушылар етті үстеме бағамен саудалауға мәжбүр. Сонымен қатар, күзде арпаның да бағасы өсіп, ірі ет инвесторлары тапшы болады деген болжам бар. Сарапшылардың пікірінше, мұның барлығы алдағы уақытта шығынның өсуіне әкеледі.
-Біз Қазақстанды сиыр етімен толық қамтамасыз ете аламыз. Импорт та келіп жатқандықтан бағаға әсер етеді, — деді Қазақстан ет одағының атқарушы директоры Асқар Жұбатыров.
Асқар Жұбатыров егер мемлекет жем-шөп базасын ұлғайту шараларын қабылдамаса, баға төмендемейтінін айтты.
