Петропавл аулаларындағы асфальтты жөндеуге және көлік тұрақтарын салуға қалалық бюджеттен 300 млн. теңге бөлінді, деп хабарлайды Qyzyljarnews.kz тілшісі.
Қалалық әкімдіктің баспасөз қызметінің мәліметінше, бұл қаражатқа 30 аулаға асфальт төсеуді жоспарлап отыр. Төртеуінде жаңа жабын пайда болды.
– Биыл Петропавлдың аулаларында 33 мың шаршы метр асфальтбетон төселіп, 1 мың 264 қоршау секциясы орнатылады. Қалалық бюджеттен әлеуметтік нысандарға кіреберіс жолдарды жөндеу жұмыстарын жүргізуге қосымша 15 млн. теңге бөлінді, бұл 1,5 мың шаршы метр аумақты қалпына келтіруге мүмкіндік береді, — деп хабарлады баспасөз қызметі.
Аулалар кезек бойынша асфальтталады. Тізімді Петропавл қаласы әкімдігінің ресми сайтынан көруге болады.