Қалалық әкімдікте Петропавлды абаттандыру мәселелері қаралды, деп хабарлайды Qyzyljarnews.kz тілшісі.
Бөкетов, Н.Назарбаев, Кошуков, Парковая, Брусиловский көшелерінің учаскелері кіретін 4,8 км жолды орташа жөндеу жоспарланған. Сонымен қатар, аталған учаскелер бойынша пайдалануға берілген жолдарды қалпына келтіруге 200 миллион теңге бөлінді. Универсальная көшесінде де жөндеу жұмыстары жүргізілуде.
— Универсальная көшесі бойынша орташа жөндеу жүргізуге 22,1 миллион теңге сомасына «Кадукус» ЖШС-мен қосымша шарт жасалды. Қазіргі уақытта жұмыстар жүргізілуде, — деді ТҮКШ басшысының міндетін атқарушы Айдын Мәкенов.
Кеңесте жақсы және қанағаттанарлық жағдайдағы қиыршық тас-қиыршық тас жолдарының үлесі – 75%, автожолдардың 25% қанағаттанарлықсыз жағдайда екенін атап өтті. Ағымдағы жылы қала көшелерінің бойында тротуарлар салу жұмыстарын жүргізуге қалалық бюджеттен 10 миллион теңге бөлінді. Қазіргі уақытта Айыртауская көшесі мен Абай көшесі бойынша жұмыстар аяқталды. Енді шаруа Егемен Қазақстан көшесінде жүргізілмек. Сонымен қатар, облыстық алаңда, Қазақстан Конституциясы көшесінде, Абай, Жамбыл және Әуезов көшелерінде ағымдағы жөндеу жұмыстары атқарылады.
— Кірме жолдар мен әлеуметтік нысандарға жөндеу жүргізуге қосымша конкурс жарияланды. Бұл әлеуетті жеткізушілердің болмауына байланысты. Айта кетейік, бұл қажеттіліктерге мемлекеттік бюджеттен 15 миллион теңге бөлінді, — деп қорытындылады ТҮКШ басшысының міндетін атқарушы Айдын Мәкенов.
