Петропавлда бірден төрт учаскеде жылу желілерін жөндеу жұмыстары жүргізілуде, деп хабарлайды Qyzyljarnews.kz тілшісі.
«Севказэнерго» АҚ баспасөз қызметінің мәліметінше, Крепостная көшесінің бойындағы жылу желісіне күрделі жөндеу жұмыстары аяқталуда. Гидравликалық сынақтарды жүргізу кезінде осы аймақта құбырлардың зақымданғаны анықталды. Ұзындығы 60 метр жылу желісін ауыстыру керек. 10 жыл ішінде алғаш рет Қазақстан Конституциясы көшесіндегі жылу желілері ауыстырылуда.
«Петропавл жылу желілері» ЖШС-де бұл жердегі құбыр резервтік, қысқы кезеңде жылумен жабдықтаудың сенімділігін арттыру үшін пайдаланылатынын атап өтті. Жөндеу кезінде ыстық су өшірілмейді. Сәтпаев және Кошуков көшелерінде 30 жыл бойы пайдаланылған жылу желісі учаскесін қайта салу жүріп жатыр.
Жөндеу жұмыстары кезінде көп қабатты 30 тұрғын үйге резервтік жылу желілері арқылы ыстық су беріледі. Жөндеу жұмыстары жүріп жатқан көшелерде қозғалыс шектелді. Тамыз айының соңына қарай құбырлар мен жылу камераларына арналған жаңа арнаның құрылысы аяқталады. Сонымен қатар, Петропавл 2-ЖЭО-да жөндеу жұмыстары жүргізілуде. Орталық жылыту маусымына дейін дайын болады деп жоспарланып отыр.
