Қазақстанда педагогтардың біліктілік деңгейін арттыру үшін қандай жаңалықтар енгізілгенін Білім және ғылым министрі Асхат Аймағамбетов Қазақстан Республикасының Үкіметі отырысында есеп берді, деп хабарлайды Qyzyljarnews.kz тілшісі.
Қазақстанның Премьер-Министрі Әлихан Смайылов Министрлер кабинетінің отырысы барысында Асхат Аймағамбетовтен педагогтардың біліктілік деңгейін арттыру және жалпы республикадағы білім беру бойынша қабылданып жатқан шаралар туралы сұрады.
— Білім беру сапасын және педагогтарды даярлау деңгейін арттыру үшін заңнамаға тиісті өзгерістер енгізілді. Президенттің тапсырмасы орындалуда. Педагогтар өз мамандықтары бойынша тестілеуден өтеді, біз пәндер бойынша бағдарламаларды толығымен өзгерттік, — деді Асхат Аймағамбетов.
Бұған қоса ведомтсво басшысы педагогтардың кәсіби біліктілік деңгейі қадағаланатынын да жеткізді.
— Біз тек курстар өткізіп қана қоймай, сонымен қатар біздің педагогтардың білім деңгейін бақылайтын боламыз. Педагогтер курс қорытындысы бойынша емтихан тапсырып, тиісті сертификаттар алатын болады, — деп атап өтті Асхат Аймағамбетов
иллюстрациялық фото: stock
