10 тамызда Қазақстанның Ғылым және жоғары білім министрлігі білім гранттары иегерлерінің тізімін жариялады, деп хабарлайды Qyzyljarnews.kz тілшісі.
Биыл Мамлют ауданындағы Бексейіт орта мектебін 9 оқушы аяқтап, барлығы да Қазақстан бойынша университеттерде білім алу гранттарына ие болды. «Алтын белгі» иегері Нұрай Текебас Нұр-Сұлтан қаласындағы Л. Н. Гумилев атындағы Еуразия Ұлттық университетіне «Ақпараттық технологиялар» мамандығы бойынша грантқа түсті.
— Әр шәкіртіне өз жүрегінен орын беріп, болашағынан үлкен үміт күтіп, бар еркелігін көтеріп, қалаған мамандығының грант иесі болуына күш-жігерін жұмсаған ұстаздар мен балаларының болашағы үшін бәйек болған ата-аналардың еңбегі өлшеусіз. Бұл мұғалімдердің еңбегінің ақталғаны, зор жетістік, ерекше қуаныш деп білеміз, — деп жазды мектеп өкілдері әлеуметтік желілердегі ресми парақшасында.
