СҚО тұрғыны жанармай ұрлағаны үшін 40 сағат қоғамдық жұмысқа тартылды, деп хабарлайды Qyzyljarnews.kz тілшісі.
Биыл шілде айында Ақжар ауданының тұрғыны 20 литр дизель отынын ұрлаған. Осы қылмысы үшін ол 40 сағатқа қоғамдық жұмысқа тартылып, пробация қызметінің есебіне қойылды.
— Қазіргі уақытта мен күн сайын жұмыс істеймін. Ұрлық жасағаныма өкінемін, тегін жұмыс істегеніме қарамастан, жасаған ісім үшін бас бостандығымынан айырмай, жазамды өтей алатыныма қуаныштымын, – дейді жазасын өтеуші.
Сотталған адам қоғамдық жұмысты негізгі жұмысынан немесе оқудан бос уақытта күніне төрт сағаттан аспайтын мөлшерде атқарады. Тұрақты жұмыс орны жоқ және оқымайтын сотталғандар қоғамдық жұмыстарды 8, аптасына 40 сағат жұмыс істейді.
— Бұл жазаның өте тиімді түрі болып саналады. Тәжірибе көрсеткендей, жыл сайын мұндай құқық бұзушылықтардың саны азайып келеді. Аталған іс жыл басынан бері қоғамдық жұмысқа тартылғандардың алғашқы жайты болып тіркелді, – деді Ақжар аудадық пробация қызметінің бастығы Ерлан Хасенов.
