Қазақстанның Оқу-ағарту министрлігі орта мектептердегі оқу жылын 2 аптаға ұзарту туралы шешім қабылдады, деп хабарлайды Qyzyljarnews.kz тілшісі.
Оқу-ағарту министрлігінің аппараттық кеңесінде жаңа оқу жылының ұзақтығы бірінші сынып оқушылары үшін — 35 оқу аптасын, 2-11 сыныптар үшін-36 оқу аптасын құрайтыны жарияланды, — делінген ведомство хабарламасында.
Осылайша, оқу жылы ішінде демалыс күндерінің реті анықталды.
Күзгі каникул-7 күн (2022 жылғы 31 қазаннан 6 қарашаға дейін);
Қысқы каникул-9 күн (2022 жылғы 31 желтоқсаннан 2023 жылғы 8 қаңтарға дейін);
Көктемгі демалыс — 9 күн (2023 жылғы 18-26 Наурыз).
1-сыныпта 7 күнге қосымша демалыс қарастырылған (2023 жылғы 6-12 ақпан аралығында). Ал жазғы демалыс 1 маусымнан 1 қыркүйекке дейін болады. Оқу-ағарту министрінің бұйрығы тіркеу үшін Әділет министрлігіне жіберілді.
Фото Qyzyljarnews.kz / Талғат Тәнібаев
