274
СҚО-да екі ауылдық мектеп пен кітапханаға мәдени және әлеуметтік-экономикалық дамуына үлкен үлес қосқан өңір тумаларының есімдерін беру ұсынылуда, деп хабарлайды Qyzyljarnews.kz тілшісі.
Тиісті қаулы жобасы ашық нормативтік-құқықтық актілер сайтында пайда болды. Құжатқа сәйкес, Шал ақын ауданындағы қазақ орта мектебіне мемлекет және қоғам қайраткері, ақын, Қазақстанның еңбек сіңірген қайраткері, облыстың Құрметті азаматы Кәкімбек Салықовтың есімі берілсе, Жамбыл ауданының орталықтандырылған кітапхана жүйесіне белгілі жерлесіміз, жазушы Сафуан Шаймерденовтің есімін беру ұсынылуда.
Ал, Қызылжар ауданындағы Новоникольск орта мектебіне Новоникольское ауылын қайта жандандырып, ауыл шаруашылығын дамытқан Геннадий Зенченконың есімі беріледі.
