Синоптиктер 2022 жылғы 16-18 тамызға арналған ауа райы болжамын жариялады. Республика бойынша ауа температурасы айтарлықтай төмендейді, деп хабарлайды Qyzyljarnews.kz тілшісі.
Қазақстан аумағының басым бөлігі солтүстік-батыс антициклонның ықпалында болады, алдағы тәуліктер жауын-шашынсыз, аптаның ортасына қарай температуралық фон біртіндеп төмендейді.
«Қазгидромет» РМК ақпараты бойынша, республиканың солтүстігінде, солтүстік-батысында, шығысында және орталығында түнде және таңертең күн суытады. Синоптиктердің мәліметінше, 17-18 тамызда еліміздің солтүстік, орталық және шығыс өңірлерінің ауа-райы солтүстік циклонның шұңқырына ұласып, күн күркіреп, екпінді жел соғады. Солтүстіктегі температура түнде + 2 — +7 °С, күндіз + 12 -+17°С аралығында болады деп болжануда.
Ашық көздерден алынған сурет
