270
17 тамызда Ақмола облысы Степногорск қаласының полиция басқармасына СҚО Айыртау ауданының 23 жастағы тұрғыны Бестөбе кентіндегі «Западная» шахтасының аумағында қайтыс болғаны туралы хабарлама келіп түсті, деп хабарлайды Qyzyljarnews.kz тілшісі.
Ер адам шахтаға заңсыз кіруге әрекет жасаған кезде ауыр жарақат алып қайтыс болғаны анықталды.
Аталған факті бойынша құқық қорғау органдары Қазақстан Республикасы Қылмыстық кодексінің 269-1-бабы 3-бөлігі күзетілетін объектіге заңсыз кіру бойынша сотқа дейінгі іс жүргізуді бастады. Қылмыстық істі тергеу аясында сот-медициналық сараптама тағайындалды.
