СҚО-да 306 елді мекендегі үш мыңға тарта баланы мектепке жеткізу қажет, деп хабарлайды Qyzyljarnews.kz тілшісі.
Әкімдік отырысында білім басқармасының басшысы Нәзір Жәшібеков 1,7 мыңға жуық баланы күн сайын, 1 мың баланы апта сайын мектептерге жеткізілетіндігін атап өтті. Балаларды тасымалдау үшін 158 мектеп автобусы әзір. Биыл тағы 29-ы сатып алынатынын айта кеткен жөн. Жалпы өңірімізде оқушылардың саны 74800-ден асса, 7300-і мектеп табалдырығын алғаш рет аттайды.
— Облыстың білім беру жүйесінде 16 мың педагог жұмыс істейді. Биылғы жылы педагогикалық мамандықтар бойынша университетті 910 маман бітірді, оның ішінде 36 – сы облыс әкімінің гранты бойынша оқыды. М. Жұмабаев атындағы жоғары колледжде 300 маман даярлады. 1 қыркүйекке дейін барлық бос жұмыс орындары жабылады, — дейді Нәзір Жәшібеков.
Pixels иллюстрациялық сурет
