Петропавлдағы Ұлттық ұлан академиясында Спорт күні аталып өтті деп хабарлайды Qyzyljarnews.kzhttp://Qyzyljarnews.kz тілшісі.
Дәстүрлі түрде Спорт күні Ұлттық ұлан академиясында да тойланды. Жарысқа 4 оқу батальонының (2 курс) жеке құрамы қатысты. Іс-шара барысында курсанттар шағын футбол, волейбол, 4х400 метрлік жеңіл атлетика эстафетасы және арқан тартудан жарысты. Сондай-ақ әскерилендірілген эстафета өтті, онда курсанттар АК-74 оқу автоматын құрастыру, оқ-дәрілер салынған жәшіктерді тасу, автоматты оқтау және газтұтқыш киіп жүгіру бойынша сынға түсті.
Спорттық жарыс қорытындысына сай, шағын футбол, волейбол және арқан тарту бойынша бірінші орынды 8 оқу ротасының 1 оқу взводы командасы иеленсе, жеңіл атлетика эстафетасы бойынша 1 орынды 7 оқу ротасының 4 оқу взводы алды. Ал, әскерилендірілген эстафета бойынша 1 орынды 8 оқу ротасының 3 оқу взводы иеленді.
Іс-шара соңында Академияның саптық алаңында марапаттау рәсімі өтті. Академия бастығының ғылыми жұмыс жөніндегі орынбасары полковник Руслан Альназиров жеңімпаздарды құттықтап, грамоталар мен сыйлықтар табыс етті.
