Биылдан бастап елімізде білім алушылардың оқудағы жетістіктеріне мониторинг енгізілді. Оған 30 мектептен 1955 оқушы қатысты. Солтүстікқазақстандық оқушылар республикалық деңгейден жоғары нәтиже көрсетті, деп хабарлайды Qyzyljarnews.kz тілшісі.
ҰБТ қорытындысы бойынша биыл орташа балл – 74,96 балл болса, өткен жылы – 74,8 баллды құрады. Бұл біздің түлектеріміздің білім сапасының тұрақтылығын растайды. Облыс бойынша үздік нәтиже Әбу Досмұхамбетов атындағы гимназияның түлегі Сүндет Елнұрға тиесілі, ол 137 балл жинады.
— СҚО-да ҰБТ қорытындысы бойынша шекті деңгейді жинамаған талапкерлер саны ең аз өңірлердің үштігіне кіреді. Осының нәтижесінде еліміздің жоғары оқу орындарына 1456 солтүстікқазақстандық түлек грант алуға мүмкіндік алды. Бұл өткен жылмен салыстырғанда 99 адамға көп, — деп хабарлады облыстық білім басқармасының баспасөз қызметі.
