СҚО бойынша бәсекелестікті қорғау және дамыту департаменті ауыл шаруашылығы және жер қатынастары басқармасына бәсекелестікті қорғау саласындағы заңнаманы бұзу белгілерінің бар екендігі туралы хабарлама жіберді, деп хабарлайды Qyzyljarnews.kz тілшісі.
Монополияға қарсы ведомствоның ақпараты бойынша, басқарма нарық субъектілеріне арзандатылған дизель отынына тең қолжетімділікті қамтамасыз етпей, нарықтың жекелеген субъектілеріне жеңілдіктер берген.
Хабарламаға сәйкес, бәсекелестік заңнаманы бұзу белгілерін жою және болдырмау бойынша шаралар қабылдау, арзандатылған дизель отыны операторларының санаттарын айқындау мәселесі бойынша ұсыныстар енгізу және нарық субъектілеріне мемлекеттік қолдау шараларына тең қолжетімділікті қамтамасыз ету қажет.
Хабарламаны орындау мерзімі алған күннен бастап күнтізбелік 30 күннен аспайды. Олай болмаған жағдайда бәсекелестікті қорғау және дамыту департаменті тергеу тағайындауы мүмкін.
