СҚО-да су құстарын аулау маусымы басталды, деп хабарлайды Qyzyljarnews.kz тілшісі.
— Ағымдағы жылы аң аулау мерзімдері ауыстырылды. Бұған дейін жүзетін құстарды аулау қыркүйектің бірінші сенбісінен басталса, биыл тамыздың соңғы сенбісінен басталды. Былтыр еркек бұғылар 1 тамыздан бастап ауланса, биыл — 15 шілдеден басталды. Яғни аң аулауға рұқсат берілген күндер екі аптаға ауыстырылды, — деді СҚО жануарлар дүниесі және аңшылық шаруашылығы бөлімінің басшысы Олег Беспалов.
Алайда, олжаға барар алдында, аңшылар жануарлар мен құстарды атуға, мылтығын алып жүруге және сақтауға, сондай-ақ жолдама алуға рұқсат құжаттарының болуы міндетті. Ереже бұзылған жағдайда 5 АЕК мөлшерінде айыппұл төлеуге тура келеді. Суда құстарын аулау маусымы ашылғаннан бері профильдік инспекция 10 солтүстікқазақстандықты жауапкершілікке тартты.
Айта кету керек, 1 қыркүйектен бастап борсық, марал, асканиялық бұғы және бұлан атуға рұқсат етілді.
