СҚО сауда департаментінің қызметкерлері қаланың сауда нысандарында әлеуметтік маңызы бар азық-түлік тауарларына бағаның өсуіне жол бермеу бойынша түсіндіру жұмыстарын жүргізді, деп хабарлайды Qyzyljarnews.kz тілшісі.
Түсіндіру жұмыстары барысында сауда объектілерінің иелеріне әлеуметтік маңызы бар азық-түлік тауарларына сауда үстемесінің 15% — дан асуына жол бермеу мақсатында жадынамалар таратылды.
— Қазақстан Республикасы «Сауда қызметін реттеу туралы» заңының 9-бабына сәйкес бірқатар жауапкершіліктер көзделген. Оның ішінде, әкімшілік құқық бұзушылық туралы кодекстің 204-4-бабына сәйкес — ішкі сауда субъектісінің Қазақстан Республикасының заңнамасында белгіленген әлеуметтік маңызы бар азық – түлік тауарларына сауда үстемесінің мөлшерін асырылған жағдайда ескерту салынса, бір жыл ішінде қайталап асырып жібергені үшін шағын кәсіпкерлік субъектілеріне 10 АЕК, орта кәсіпкерлік субъектілеріне-75 АЕК, ірі кәсіпкерлік субъектілеріне – 300 АЕК мөлшерінде айыппұл салынады, — дейді департамент өкілдері.
Ашық көздерден алынған сурет
