СҚО аумағында су тасқынына дайындық ерте ұйымдастырылып, облыстық төтенше жағдайлар департаменті мен жергілікті атқарушы органдардың тұрақты бақылауында, деп хабарлайды Qyzyljarnews.kz тілшісі.
2023 жылғы алдағы су тасқынына дайындық бойынша инженерлік жұмыстар жоспарының орындалуын бақылау үшін облыстық ТЖД бастығының орынбасары подполковник Мұрат Қанғожинов Айыртау, Шал ақын, Ғ.Мүсірепов және Тимирязев аудандарына жұмыс сапарымен барып қайтты.
– Сапар барысында аталған аудандардың төтенше жағдайлар бойынша алдын алу және жою жөніндегі комиссияларының кезектен тыс отырыстары өткізілді. Аудан әкімдерімен және су тасқынына қарсы іс-шараларды өткізуге жауапты лауазымды тұлғалармен аудан аумағында алдағы қысқы және су тасқыны кезеңдерінің қауіпсіз өтуінің өзекті мәселелері мен төтенше жағдайлардың алдын алу дайындығы пысықталды,- дейді Мұрат Қанғожинов.
Фото: Qyzyljarnews.kz\Талғат Тәнібаев
