Облыс әкімі Құмар Ақсақалов Айыртау ауданында болып, жергілікті шаруашылық басшыларымен кездесті, деп хабарлайды Qyzyljarnews.kz тілшісі.
Айыртау ауданында өңір басшысы «Баянтай» ЖШС егістік алқабында болды. Шаруашылық биыл 9700 гектарға дәнді және майлы дақылдар еккен. Мұнда бидайдың орташа шығымы гектарынан 24 центнерден айналуда. Серіктестіктің алқаптары Саумалкөл, Воскресеновка, Лавровка ауылдарының маңында орналасқан. Шаруашылық жаңа метеостанцияның арқасында ылғал мен ыстықты, булану деңгейін бақылап отырады. Бұған қоса заманауи техниканы пайдаланып, жақсы жетістіктерге қол жеткізуде.
Шаруашылық жұмысымен танысқан өңір басшысы, жуырда «CLAAS» компаниясының басшысы Катарина Клаас келетінін жеткізді.
— 14 қыркүйек күні Катарина Клаас пен «HORSCH» компаниясының иесі келеді. Біз техниканы құрастыру жайлы кездесулер өткіземіз. Былтыр 90 техника құрастырылса, биыл 300-і дайын. Осы қарқынды тоқтатпайтынына сенімдімін, — деді Құмар Ақсақалов.
Фото: ашық дереккөздерден.
Фото: ашық дереккөздерден.
