Петропавл балық питомнигінің бассейнінде үш ай бойы өсірілген бір миллионнан астам тұқының шабағы бар. Қазір мамандар балықтарды су айдындарына жібермес бұрын салмағын анықтауда, деп хабарлайды Qyzyljarnews.kz тілшісі.
Петропавл су қоймасына 500 мыңға жуық, Сергеев су қоймасына 600 мың шабақ жіберіледі. СҚО су қоймаларын балықтандыруға республикалық бюджеттен барлығы 54 млн. теңге бөлінді.
— Орташа салмағы өлшенді, енді аранйы актокөлікке тиеп, тиісті жерлеріне жөнелтеміз. Біздің облыста балық өсірумен айналысатын бір ірі кәсіпорын бар. Бұған қоса бірнеше жеке кәсіпкер де балықты көбейтумен айналысып жүр. Шабақтарды көлді жалға алып, балық аулаумен айналысатын кәіпкерлер сатып алады. көл-тауарлы балық аулау шаруашылығы болып табылады. Бұл ішкі нарықтың қажеттілігін қамтамасыз етуге мүмкіндік береді, — деді СҚО табиғи ресурстар және табиғатты пайдалануды реттеу басқармасының бөлім басшысы Михаил Никитин.
Фото: pexels.
