243
СҚО бойынша сыбайлас жемқорлыққа қарсы қызметі «Норд Жолдары» ЖШС директорына қатысты қылмыстық істі тергеуде, деп хабарлайды Qyzyljarnews.kz тілшісі.
22 шілдеде аталған серіктестіктің директоры лауазымды тұлғаларға ірі көлемде пара беруге әрекет жасаған.
— Күдікті қылмыстық қудалау органына келуден жалтарғандықтан, Қазақстан Республикасы Қылмыстық іс жүргізу кодексінің 64 және 206-баптарына сәйкес күдікті мен оның қорғаушысы Қазақстан Республикасы Сыбайлас жемқорлыққа қарсы іс-қимыл агенттігінің СҚО бойынша департаментіне келіп, өзі туралы қаулының көшірмесін алуға құқылы, — делінген облыстық сыбайлас жемқорлыққа қарсы қызметінің баспасөз хабарламасында.
