CҚО-да соңғы үш жылда медиация тәртібімен азаматтық, әкімшілік және қылмыстық істер қаралмаған, деп хабарлайды Qyzyljarnews.kz тілшісі.
— Бұған негізгі себептердің бірі-медиация мүмкіндіктері туралы халық біле бермейді. Статистикалық деректерге сәйкес СҚО-ның қадағалаудағы аумағында кәсіби емес 40 медиатор бар. Оның ішінде М. Жұмабаев ауданында-16, Аққайың ауданында -9, Мамлют ауданында -7, Қызылжар ауданында -4, Петропавл қаласы аумағында халықаралық деңгейдегі кәсіби медиаторлар -4 болса, оның үшеуі ғана кәсіби медиатор ретінде жұмыс істейді, — деді СҚО бойынша көлік прокуроры Абылайбек Ордабаев.
Сонымен қатар, ағымдағы жылы Солтүстік Қазақстан көлік прокуратурасы «RPA IMC» Президентінің СҚО бойынша өкілетті өкілі А. К. Бесембаевамен Қазақстан Республикасы Президентінің «Қазақстан-2050» стратегиясы, «Ұлт жоспары-Жүз нақты қадам», «Рухани Жаңғыру» бағдарламаларын орындау, сондай-ақ сотқа дейін және соттан тыс реттеу институттарын жан-жақты дамыту мен белсенді енгізу бойынша өзара іс-қимылды нығайту, Солтүстік Қазақстан облысында Медиацияны дамыту саласында өзара іс-қимыл жасасу мен қойылған міндеттерді орындау бойынша меморандум жасасты.
