1 қыркүйектен бастап пилоттық режімде отбасының цифрлық картасын енгізу басталды. Бұл азаматтардың әлеуметтік мәртебесіне байланысты кепілді мемлекеттік қолдаудың қандай да бір түрін алуға құқықтары туралы олардың күн сайынғы «электрондық хабарлаушысы», деп хабарлайды Qyzyljarnews.kz тілшісі.
Мемлекет ақпараттық жүйе арқылы азаматқа тиісті органдарға жүгіну қажеттілігінсіз мемлекеттік қолдаудың қандай да бір түрін алуды өзі ұсынатын болады.
– Бүгінде цифрлық картада 6 миллионнан астам отбасы мен 19,4 млн. отбасы мүшелерінің деректері бар, «отбасы портреті» қалыптастырылды. Біздің облыс бойынша 16 мың азамат туралы деректер бар. 2022 жылғы 1 қыркүйектен бастап жәрдемақылар мен әлеуметтік төлемдердің 9 түрі бойынша жаңа форматта қызметтер алу мүмкіндігі ұсынылды. 2025 жылдан бастап мемлекеттік кепілдіктердің барлық түрлері қамтылатын болады, — деп хабарлады ӨКҚ брифингінде СҚО бойынша Еңбек және әлеуметтік қорғау комитетінің департамент басшысы Мереке Мұхамедияров.
