СҚО-дағы балабақшаларда қаржылық бұзушылықтар анықталды

СҚО-да ішкі мемлекеттік аудит департаменті мектепке дейінгі 9 мекемеге тексеріс жүргізді. Оның нәтижесі бойынша 2019-2021 жылдары әлеуметтік инфрақұрылымды және жан басына шаққандағы қаржыландыруды қамтамасыз етуге бөлінген бюджет қаражаты дұрыс пайдаланбағандығы анықталды, деп хабарлайды Qyzyljarnews.kz тілшісі.

Ведомствоның мәліметінше, мемлекеттік білім беру тапсырысы есебінен негізгі құралдарды сатып алу, мектепке дейінгі мекемелердің қызметкерлеріне жалақыны негізсіз төлеу және іссапар шығындарын төлеу бойынша бұзушылықтар анықталып, оның сомасы 29 млн. теңгеден асты. Аудит объектілері қаражатты толық өтеу бойынша жұмыс жүргізуде.