Қазақстандықтар Ресейдің бес қаласында республика президентін сайлауда дауыс бере алады. Бұл туралы Мәскеудегі елшіліктің баспасөз қызметі мәлімдеді, деп хабарлайды Qyzyljarnews.kz тілшісі.
– 18 жасқа толған Қазақстан Республикасының азаматтары 265 сайлау учаскесі жұмыс істейтін Ресейдегі Қазақстан елшілігінде дауыс беруге қатыса алады. Сондай-ақ Қазақстан азаматтарына республиканың Санкт- Петербург, Қазан, Астрахань және Омбы бас консулдықтарындағы учаскелерде жергілікті уақыт бойынша сағат 07.00-ден 20.00-ге дейін дауыс беруге болады. Сайлау учаскесіне барған қазақстандықтардың төлқұжаты немесе жеке куәлігі болуы керек,- делінген елшілік хабарламасында.
Сондай-ақ сайлаушылар тізіміне енгізу үшін елшіліктің сайтында орналастырылған арнайы нысанды толтыру шарт.
