ОСК шетелдік байқаушылардың бірінші тобын тіркеді

Орталық сайлау комиссиясы Қазақстандағы кезектен тыс президенттік сайлауға халықаралық ұйымдар мен шет мемлекеттен 43 адамнан тұратын байқаушылар тобын аккредитациялады, деп хабарлайды Qyzyljarnews.kz тілшісі.

Қазақстан Республикасы Орталық сайлау комиссиясының хатшысы Мұхтар Ерманның айтуынша, 4 халықаралық ұйым мен бір шет мемлекеттен 43 байқаушыны аккредиттеу үшін құжаттар Сыртқы істер министрлігінен Орталық сайлау комиссиясына келіп түскен. Оның ішінде ТМД миссиясынан – 6 байқаушы, ТМД-ға мүше мемлекеттердің Парламентаралық Ассамблеясынан – 17, ЕҚЫҰ/ДИАҚБ сайлауды бақылау миссиясынан – 13 байқаушы, Түркі мемлекеттері ұйымынан – 5 байқаушы және Грузиядан 2 кандидат.