Петропавл әуежайы рейстер кестесін өзгертеді, деп хабарлайды Qyzyljarnews.kz тілшісі Солтүстік Қазақстан облысы әкімдігінің жолаушылар көлігі және автомобиль жолдары басқармасына сілтеме жасай отырып.
Ведомствоның мәліметінше, ағымдағы жылдың 30 қазанынан бастап Петропавл – Астана рейсі күн сайын жүзеге асырылатын болады. Ұшып шығу 11:15-те болса, қайту рейсі 12 сағат 15 минутта. Сондай-ақ қайту рейсі күнделікті 9:15 – 10: 05 аралығында жүргізіледі. Билет құны 12 мың теңге.
Петропавл-Алматы рейсі өзінің кестесін 28 қазаннан бастап өзгертеді. Яғни аптасына 5 рет сейсенбі мен сенбіден басқа күндері жүзеге асырылады. Ұшу уақыты – 14:00, қайту рейсі – 16:00-ге жоспарланған. Алматыдан Петропавлға ұшып шығу 11: 00-де, Петропавлға ұшып келу уақыты 13:00-ге жоспарланды. Билет құны 28 мың теңге.
