Петропавл әкімінің орынбасары болып Әділбек Әубәкіров тағайындалды, деп хабарлайды Qyzyljarnews.kz тілшісі.
Петропавл қалалық әкімдігінің мәліметінше, Әділбек Бағдатұлы Әубәкіров Петропавл әкімінің құрылыс және жедел мәселелер жөніндегі орынбасарының міндетін атқарады.
Әділбек Әубәкіров 1984 жылы Солтүстік Қазақстан облысы Тимирязев ауданы Дмитриевка елді мекенінде дүниеге келген. М.Қозыбаев атындағы Солтүстік Қазақстан университетінің түлегі. Еңбек жолын жеке кәсіпкерліктен бастаған. 2006-2008 жылдар аралығында жеке мекемелерде еңбек етті. 2008-2018 жылдар аралығында СҚО энергетика және тұрғын үй-коммуналдық шаруашылығы басқармасында бас маманнан бастап, басшысы лауазымына дейін өсті. Кейін 2021 жылдың тамызынан қазіргі тағайындауға дейін, «Есіл су» филиалы директорының кеңесшісі қызметін атқарды.
Әділбек Әубәкіров бұған дейін Петропавл қаласы әкімінің орынбасары болған Жанболат Батырбековтың орнына келді. Ол бұл лауазымда бір жыл 2021 жылдың қыркүйек айынан биылғы қыркүйекке дейін еңбек етіп, СҚО қаржы басқармасы басшысының орынбасары қызметіне кетті.
