Петропавлға қарашада 15 мың тонна Шұбаркөл және Қаражыра көмірі жеткізіледі. Бұл туралы Энергетика және тұрғын үй-коммуналдық шаруашылық басқармасы басшысының міндетін атқарушы Павел Шилов өңірлік коммуникациялар қызметіндегі брифингте мәлімдеді, деп хабарлайды Qyzyljarnews.kz тілшісі.
Павел Шиловтың айтуынша, тұйықтардағы 29 мың тонна көмірдің 1,8 мыңы Петропавлда. Оның ішінде 50 тонна Қаражыра, 1,1 мың тонна Шұбаркөл, 500 тонна Майкөбе және 200 тонна Екібастұз көмірі бар. Бұдан бөлек тағы 2030 тонна Қаражыра және 1 190 тонна Шұбаркөл көмірі жеткізіледі.
— Көмір жылыту маусымы бойы жеткізіледі. Жанармай бағасы маркасына байланысты тоннасына 10-нан 17,5 мың теңгеге дейін өзгереді. Облыс бойынша жылыту маусымына көмірдің қажеттілігі 419 мың тоннаны құрайды, бүгінде 297 мың тонна немесе 71% дайындалды, — деді Павел Шилов.
