Петропавл 2-ЖЭО жұмысшысы алған жарақатынан қаза болды

Петропавлда 2-ЖЭО-да жарақат алған 21 жастағы жұмысшы қаза болды, деп хабарлайды Qyzyljarnews.kz тілшісі.

Сотқа дейінгі тергеу барысында анықталғандай, 5 қараша күні Петропавлдың 2- ЖЭО аумағында жұмыс орнында 21 жастағы монолитші жарақат алған. Ер адам медициналық мекемеге жатқызылғанымен 7 қараша күні көз жұмды. Сол күні аталған қылмыстық іс Қазақстан Республикасы Қылмыстық кодексінің 156-бабы 3-бөлігіне ауыстырылды.

– Қазіргі уақытта істің мән-жайын зерттеуге бағытталған тергеу жүргізіліп жатыр. Олардың нәтижесі бойынша түпкілікті процестік шешім қабылданады.Тергеу барысында өндірістегі қауіпсіздік талаптарының сақталуына жауапты тұлғалардың кінәсі айқындалатын болады, — делінген полиция хабарламасында.