Петропавлда алимент төлемейтіндерді жұмысқа орналастыруға арналған жәрмеңке өтті

Авторы: Qyzyljar News

Петропавлдағы жұмыспен қамту орталығында алимент бойынша борышкер 111 адам жұмыссыз ретінде тіркеуде тұр. Оларға жұмысқа орналасуға мүмкіндік беру мақсатында облыс орталығында бос орындар жәрмеңкесі өтті, деп хабарлайды Qyzyljarnews.kz тілшісі.

Іс-шараны Петропавлдың жұмыспен қамту орталығы, прокуратура және жеке сот орындаушылары бірлесіп ұйымдастырды. Мақсат – алиментін төлей алмай жүрген борышкерлерді жұмысқа орналастыру. Бұл жолы шаһардың 5 кәсіпорны құрылыс, денсаулық сақтау, білім беру және қызмет көрсету салалары бойынша вакансиялар ұсынды.

– Жұмыспен қамту орталығында 111 борышкер жұмыссыз ретінде есепте тұр. Оларға міндетті түрде жәрмеңкенің өтетіндігі туралы хабарлама береміз. Сондай-ақ өздігінен жұмыс таба алмай жүрген жағдайда орталыққа келіп, тіркелуді ұсынамыз. Ұсыныстарымызды қабылдамаған жағдайда сот орындаушылары борышкерлерге шара қолданады. Яғни егер де борышкер ұсынылған жұмыстан өз еркімен бас тартса оның үстінен қылмыстық іс қозғау немесе борышкерді әкімшілік жауапкершілікке тарту туралы ұсыныс жіберіледі. Қазақстан Республикасы Қылмыстық Кодексі 139-бабы бойынша бас бостандығынан айырылады немесе бостандығы шектеледі, айыппұл төлеуі мүмкін, — дейді Солтүстік Қазақстан облысы бойынша жеке сот орындаушылары өңірлік палатасының басшысы Асан Мәткәрімов.

Маманның айтуынша, бүгінгі таңда осындай 190-ға жуық ұсыныс құқық қорғау органдарына жіберілген. Оның 12-сі бойынша борышкер мен өндіріп алушының арасында татуласу және берешектің толық қайтарылуына байланысты қылмыстық іс қысқартылды. Бір адамға айыппұл салынды, екі адамның бас бостандығы шектеліп, 8 адамның ісі сотта қаралып жатыр, тағы бір іс сот қарауына жолданды. Прокуратура кәмелетке толмаған балалардың құқығы мен мүдделерін қорғайды, яғни алимент өндіріп алуды бақылауда ұстайды. Прокуратура органдарының араласуынан кейін биыл 71 борышкер жұмысқа орналасып, 36 млн теңге берешек қайтарылған. Алимент төлеуден қашып жүрген 48 адам әкімшілік, екеуі қылмыстық жауапкершілікке тартылды.
Жалпы СҚО-да қазіргі уақытта алимент бойынша 6 мыңнан астам борышкер бар, оның жартысының берешегі жұмыс орнынан еңбекақысынан ұсталынады. 190-ы алимент төлеуден қашып жүр.

Ұқсас жаңалықтар

Қазақстан Республикасы Ақпарат және қоғамдық даму министрлігі Ақпарат комитетінде 2022 жылғы 20 қаңтарда тіркеліп, №KZ76VPY00045027 куәлігі берілген.

Меншік иесі:  

СҚО әкімдігінің «Қызылжар-Ақпарат» ЖШС.

Яндекс.Метрика

Директор —

Ербақыт Амантайұлы

Сайттың бас редакторы —

Аманжол Нұртазин, aman_nurtazin@mail.ru

Тілші:

Мадина Нуркина, +77057396494, Nurkinamad@mail.ru

SMM-менеджер:

Айжана Шайкенова,

+77782191267

nadyasaf070@gmail.com

@2022 — Designed and Developed by qyzyljarnews.kz