СҚО жол активтері ұлттық сапа орталығының мамандары жыл басынан жергілікті атқарушы органдармен жұмыстар мен материалдардың сапасын сараптауға шарт жасасты, деп хабарлайды Qyzyljarnews.kz тілшісі.
Ағымдағы жылы республикалық желі бойынша жұмыстар мен материалдардың сапасын іріктеп бақылаумен 29 объект қамтылып, осы объектілерге 330 рет тексеріс жүргізілді. Олардан 378 сынама алынып, оның 51-і нормативтік-техникалық құжаттама талаптарына сәйкес келмейтіні белгілі болды. Тексеріс нәтижелері бойынша 362 ескерту анықталып, бүгінгі таңда оның 321-сы жойылды.
— Облыстық автожолдар бойынша жұмыстар мен материалдардың сапасын іріктеп бақылаумен 19 объект қамтылды. 443 сынама алынып, оның 100-і нормативтік-техникалық құжаттама талаптарына сәйкес келмейтіні анықталды. Аудандық автожолдар бойынша жұмыстар мен материалдардың сапасын іріктеп бақылаумен 26 объект қамтылды. 196 сынама алынып, оның 65-і нормативтік-техникалық құжаттама талаптарына сәйкес келмейді, — деп хабарлады баспасөз қызметінің өкілдері.
