501
Солтүстік Қазақстан облысында білім беру саласындағы сапаны қамтамасыз ету аумақтық департаментінің қызметкерлері білім беру ұйымдарының тәуекел дәрежесін бағалау рәсімін жүргізуде, деп хабарлайды Qyzyljarnews.kz тілшісі.
— Биылғы жылдың бірінші жартыжылдығында бес мектепке дейінгі және 27 орта білім беру ұйымдарында мемлекеттік аттестаттау өткізілді. Аттестаттау комиссиясының оң қорытындысын тек бір бөбекжай мен екі мектеп алды. Мемлекеттік жалпыға міндетті білім беру стандарттарының бұзылуына байланысты 91%-ға жуығы бірінші реттен өтпеген. Анықталған бұзушылықтарды жоюды бақылау нәтижелері бойынша мектептерге оң қорытындылар берілді, — делінген департаменттің баспасөз қызметі жариялаған ақпаратта.
