Петропавл су құбырындағы апаттың кесірінен 9 көпқабатты үй, нан комбинаты мен бірнеше жеке ұйымдар сусыз қалды. «Қызылжар Су» ЖШС кәсіпорны мердігерге материалдық залал келтірмек, деп хабарлайды Qyzyljarnews.kz тілшісі.
— Апаттың себебін бірден анықтау мүмкін емес. Алдын ала болжам бойынша, құбырдың жалғанған жері сөгіліп кеткен. Бір айта кетерлігі, мұнда былтыр жөндеу жұмыстары жүргізіліп, ұзындығы диаметрі 800 мм болатын 308 метр су құбыры ауыстырылды. Сметалық құны шамамен 101 млн. теңгені құрады. Кепілдік мерзімі-екі жыл, — деді «Қызылжар Су» ЖШС бас инженерінің орынбасары Ербол Нәбиев.
Бұған дейін жөндеу жұмыстарын елордалық «Ремстройсервис» ЖШС мердігерлік ұйымы жүргізген.
Ербол Нәбиевтің айтуынша, техникаға, жұмыс күші мен жанар-жағармай материалдарына кеткен шығындарды есептеу қажет. Кепілдік мерзімі әлі бір жыл барын ескерсек, материалдық залалды тікелей мердігер ұйым өтеуі керек. Апат болған жерде жөндеу жұмыстары түні бойы тоқтаған жоқ. Жұмыстар барлық тұтынушылар сумен қамтамасыз етілгенше дейін жалғасады.
