СҚО әкімі Айдарбек Сапаров алғашқы жұмыс күндерін Петропавлдағы 2-ЖЭО аралаудан бастады, деп хабарлайды Qyzyljarnews.kz тілшісі.
Аймақ басшысының баспасөз қызметінің мәліметінше, Айдарбек Сапаров 2-ЖЭО қызметі мен жөндеу-қалпына келтіру жұмыстарының барысымен танысты. Жауапты тұлғалардың есебінен кейін облыс әкімі стансаның жұмысы мен жабдықтың жай-күйін үнемі бақылап отыру қажеттігіне назар аударды.
— Өңір басшысы станцияға көмірді үздіксіз жеткізуді қамтамасыз етуді, әлеуметтік нысандар мен үйлердегі температуралық режимді күн сайын тексеруді, облыс орталығы мен аудандарды жылумен үздіксіз қамтамасыз ету үшін жылу трассаларының жай — күйін бақылауды тапсырды,-деп толықтырды өңір басшысының баспасөз қызметі.
Петропавл 2-ЖЭО-на барғаннан кейін Айдарбек Сапаров электрмен және жылумен жабдықтау кәсіпорындарының басшыларымен проблемалық мәселелер бойынша жедел штабтың кеңесін өткізді.
