251
СҚО құтқарушылары қыс уақытында төтенше жағдайлар кезінде қолданылатын техниканың дайындығын тексерді, деп хабарлайды Qyzyljarnews.kz тілшісі.
Төтенше жағдайлар департаментінің баспасөз қызметінің мәліметінше, 1 246 бірлік қар тазалау және көмекші техника дайындалды. Сондай-ақ құтқарушылар, полицейлер, жергілікті атқарушы органдардың өкілдерінен тұратын 14 мобильді іздеу тобы ұйымдастырылды.
Қыстың қиын жағдайларына тап болған адамдарды орналастыру үшін 300-ге жуық жылыту пункттері дайындалды.
— 2021-2022 жылғы қысқы кезеңде 86 адам, оның ішінде сегіз бала құтқарылды. Соңғы үш жылда жүргізілген жұмыстың нәтижесінде облыс аумағында адам өлімі тіркелген жоқ, — деп толықтырды департаментте.
