264
Петропавл қалалық қоғамдық кеңесінің мүшелері шетелдіктерге туристік жарна енгізуге бірауыздан қарсы дауыс берді, деп хабарлайды Qyzyljarnews.kz тілшісі.
Солтүстік Қазақстан облысының рестораторлар мен қонақүйлер қауымдастығының төрағасы Сайран Хамзаның айтуынша, қоғамдық кеңестің отырысында туристерден қалада болғаны үшін 5% мөлшерінде туристік жарна енгізу мәселесі қаралды.
— Мен біздің қауымдастықтың ұсынысымен келісіп, қолдау білдірген, осылайша 2023 жылға арналған 5% туристік жарнаны енгізуді мақұлдамаған кеңес мүшелеріне алғысымды білдіремін, — деді Сайран Хамза.
Алайда, бұл мәселе бойынша түпкілікті шешімді қалалық мәслихат қабылдауы тиіс.
Фото: ашық дереккөздерден.
