Мереке күндері қалалық көпсалалы жедел жәрдем ауруханасының жарақат бөлiмшесiне 227 адам жүгінді, деп хабарлайды Qyzyljarnews.kz тілшісі.
Облыстық денсаулық сақтау басқармасы баспасөз қызметінің мәліметінше, мереке күндері аураханаға жүгіндердің 76-сы сынықпен, ал 66-сы түрлі дене жарақатымен келдi. 6 солтүстікқазақстандықты үсік алса, 9 адам мас күйде түскен.
– Солтүстікқазақстандықтарға аязды күндері абай болуға кеңес береміз. Үсік шалудың алдын алу үшін ауа-райына сай киініп, аяқ-қолдарыңызды жылы ұстаңыздар. Мас күйде далаға шығуға мүлдем болмайды. Егер денелеріңізде үсік шалудың алғашқы белгілерін байқасаңыздар, бірден жылы жерге кіріңіздер немесе мамандар көмегіне жүгініңіздер, – қалалық көпсалалы жедел жәрдем ауруханасының баспасөз хатшысы Екатерина Белоусова.
