СҚО криминалистері бір жылда 3,5 мыңнан астам зерттеу жүргізді, деп хабарлайды Qyzyljarnew.kz тілшісі «Polisia.kz» сайтына сілтеме жасап.
Өткен жылы жедел криминалистикалық полиция басқармасы мамандары оқиға орындарына 2,5 мыңға жуық рет шықты. Бұл облыста тіркелген барлық қылмыстардың 70 пайызын құрайды.
Полиция қызметкерлерінің тергеу әрекеттері шеңберінде 3611 криминалистикалық зерттеулер жүргізілді. Олардың негізгі бөлігі – қол мен саусақтардан қалған іздерді зерттеу.
Бір жыл ішінде дактоесептер бойынша жүргізілген жұмыстар 140 қылмыстың ашылуына ықпал етті, олардың үштен бірі – ұрлық фактілері. Сондай-ақ фото және бейне есептер бойынша жұмыстар жүргізілді. Дәлел ретінде, күдікті адамдардың фотороботтарының жасалуы 95 қылмыстың ашылуына көмегін тигізді.
– Сондай-ақ «трасология» ұғымына біріктірілген биологиялық және иіс іздері, барлық басқа да іздер зертеледі. Криминалистерде аяқ киімдердің, көлік құралдарының, бұзу құралдарының және басқа да қылмыс түрлерінің іздері бар. 12 айдың ішінде оларды пайдалану 23 ұрлықтың, оның ішінде төрт пәтер ұрлығының, көлікті айдап әкетудің 4 фактісінің және басқа да бірқатар қылмыстардың ашылуына ықпал етті, – дейді СҚО ПД Жедел криминалистикалық басқармасының бастығы Қанат Оспанов.
