Петропавлдағы мектеп асханаларында ыстық тағамдар үшін төленетін сома өспейді, деп хабарлайды Qyzyljarnews.kz тілшісі.
Бұл туралы Петропавл қалалық мәслихатының тұрақты комиссиясының кеңейтілген отырысында белгілі болды. Қалалық білім бөлімінің жетекшісі Динара Рақышеваның айтуынша, тұрақтандыру қоры өкілдерімен мектептерді азық-түлікпен қамту туралы келіссөздер жүргізіліп, қос тарап бір байламға келді.
– Кәсіпкерлерге тұрақтандыру қорымен бірлесіп жұмыс істеу ұсынылды. Нәтижесінде олар оқу жылының соңына дейін тамақтың бағасын 500 теңгеден асырмайтынын жеткізді, – деді Динара Рақышева.
Белгілі болғандай, кәсіпкерлер бұған дейін қалалық білім бөлімімен бағаны көтеру жөнінде әңгіме қозғамаған еді. Тек қаңтардың 9-ы күні ғана мектептердің әкімшіліктеріне хат жазып, оқушылар асының құнын қымбаттайтынын жеткізді. Ал оқу жылының басында білім ошақтарымен жасасқан келісімшарт негізінде бұл шешімдері жайлы мәліметті бизнесмендер бір ай бұрын хабарлауы тиіс болатын. Сондықтан заңды күші жоқ мұндай ұсыныстарын өзгеріссіз қалдыруға тура кел
