Солтүстік Қазақстан облысының полиция департаменті мен «Азаматтарға арналған үкімет» мемлекеттік корпорациясы» КЕ АҚ филиалы неліктен автокөліктерді заңдастыру рәсімі аудан орталықтарында жүргізілмейтінін түсіндірді, деп хабарлайды Qyzyljarnews.kz тілшісі.
— Аудан тұрғындары кез-келген халыққа қызмет көрсету орталығында eGov.kz сайты арқылы автокөлікті тексеруге өтінім бере алады. Бұл кезеңде Петропавлға барудың еш қажеті жоқ. Тек оң жауап алғаннан кейін ғана арнайы ХҚКО-ға автокөлікті заңдастыру үшін жазылу керек,- дейді «Азаматтарға арналған үкімет» мемлекеттік корпорациясы» КЕ АҚ филиалының баспасөз хатшысы Анар Құсанова.
Жалпы өңірде барлығы 809 адам автокөліктерін заңдастыру үшін өтініш білдірсе, олардың 291-не қазақстандық нөмірлер берілді. Шетелдік автокөліктерді заңдастыру бір реттік акция болып табылады, ол осы жылдың 1 шілдесіне дейін жалғасады.
