5,3K
2023 жылғы 3 ақпан күні сағат 21:57-де Қарағанды облысының «Аршалы – Анар» теміржол учаскесінде техникалық вагоннан өрт шықты. Соның салдарынан №105/106 «Петропавл – Алматы» пойызының қозғалысы тоқтатылды. Пойызда 235 жолаушы болған, деп хабарлайды Qyzyljarnews.kz тілшісі.
– Өрт сөндірілді және құрбан болғандар немесе зардап шеккендер жоқ. Жолаушыларды Алматыға жеткізу үшін Астанадан жеті купелі және бір плацкарт вагоннан тұратын пойыз жіберілді, құрылған арнайы комиссия оқиғаның жай-жапсарын анықтауға кірісті. Жолаушыларға жүк және темір жолмен пошта жөнелтілімдерін тасымалдау қағидаларына сәйкес, белгіленген тәртіппен жол жүру құнының айырмасы төленеді, — деп хабарлады «Қазақстан темір жолы» ұлттық компанияның баспасөз қызметі.
