2022-2023 жылғы оқу жылында облыс мектептерінде «Жаһандық құзыреттілік» атты пән оқытыла бастады. Жаңа курс 5-11 сынып оқушыларын қамтыды, деп хабарлайды Qyzyljarnews.kz тілшісі.
Естеріңізге салсақ, Мемлекет басшысының тапсырмасы бойынша жоғары сыныптарда жаратылыстану-математикалық цикл пәндерін оқытуға қойылатын талаптар күшейтілді. Нәтижесінде өмірге қажетті қабілеттерді игеру және қалыптастыру бағытында «Жаһандық құзыреттілік» курсы енгізілді.
– «Жаһандық құзыреттілік» курсы факультатив форматында өтеді. Ол келесі модульдерден тұрады: «Қаржылық сауаттылық және кәсіпкерлік негіздері», «Азаматтық», «Парасаттылық пен әдеп», «Экология мәдениеті», «Сыни тұрғыдан ойлау», «Зайырлылық және дінтану негіздері», «Медиа сауаттылық». Бұл ерекше пән оқушылардың жан-жақты дамуына оң әсерін тигізуіне септеседі, – дейді СҚО білім басқармасының жетекшісі Нәзір Жәшібеков.
