328
Петропавлда әлеуметтік осал топтағы азаматтарға бизнес гранттар беріледі. Бір гранттың көлемі 400 айлық есептік көрсеткішке дейін жетеді, ол шамамен 1,3 млн. теңгені құрайды, деп хабарлайды Qyzyljarnews.kz тілшісі.
Қалалық жұмыспен қамту орталығы мамандарының сөзінше, бизнесті дамытуға бағытталған гранттар атаулы әлеуметтік көмек алып жатқан жандар, көпбалалы аналар, асыраушысынан айрылғаны отбасылар, қоныс аударушылар, қандастар, мүгедектігі бар және мүгедек балаларды тәрбиелеп отырған адамдарға беріледі. Өтінімдер 20 ақпаннан бастап қабылдана бастайды. Грант байқауына қатысушының қолында міндетті түрде «Бастау бизнес» жобасының сертификаты болуы шарт.
