Қазақстан Республикасы үкіметінің қаулысымен Әділет министрінің екі жаңа вице-министрі тағайындалды. Олар Даниэль Вайсов пен Ботагөз Жақселекова болды, деп хабарлайды Qyzyljarnews.kz тілшісі.
Қазақстан Республикасы үкіметінің қаулысымен Даниэль Вайсов Қазақстан Республикасыгың Әділет вице-министрі қызметіне тағайындалды. Даниэль Вайсов 1979 жылы 26 қарашада Алматыда дүниеге келген. «Әділет» жоғары заң мектебін, Нархоз университетін, Ресей мемлекеттік мұнай және газ университетін бітірген.
Сондай-ақ тағы бір Әділет вице-министрі болып Ботагөз Жақселекова тағайындалды. Ол 1980 жылы Қостанай облысында дүниеге келген. А.Байтұрсынов атындағы Қостанай мемлекеттік университетін бітірген. Эксетер университеті, Ресей Федерациясы Президенті жанындағы Ресей халық шаруашылығы және мемлекеттік қызмет академиясын тәмамдаған.
