СҚО ПД әкімшілік полиция басқармасы мен процессингтік орталықтың басшылығы белгілі шектеулері бар көлік иелерімен, сондай-ақ оң рөлді теміртұлпар жүргізушілерімен кездесті. Полицейлерге сұрақтар қою үшін кездесуге 50-ге жуық тұрғын келді, деп хабарлайды Qyzyljarnews.kz тілшісі.
Кездесуде кедендік тазартудан өтпеген, кепілге алынған, қолдануға тыйым салынған шетелдік көлік құралдарын заңдастыру мәселелері талқыланды. Қызметкерлер толыққанды жауаптар беріп, өтініш беру алгоритмін түсіндірді.
— Бүгінгі таңда облыс бойынша 1362 автокөлік заңдастырылды. 1000-нан астам автокөлік иелері криминалистің агрегаттық деректерді тексеруін күтуде. Шектеулері бар автокөлік иелеріне заңдастыруды іске асыру үшін қандай кезеңдерден өту керектігі түсіндірілді. Бұдан бөлек, біз оң рөлді көлік құралдары иелерінің тізімін жинадық – олар Қазақстан Республикасы ІІМ әкімшілік полиция комитетіне түзетулер енгізу үшін жіберіледі, — дейді СҚО ПД әкімшілік полиция басқармасының бастығы полиция подполковнигі Серік Әлжанов.
