Ақпанның 22-сі үкімет кулуарында Энергетика министрі Болат Ақшолақов Каспий құбыр консорциумындағы жағдай туралы айтты, деп хабарлайды Qyzyljarnews.kz тілшісі.
Болат Ақшолақов Қара теңізде дауыл тұрғанын еске салды.
— Ауа райына қатысты қиындық туып тұр, кеше құрғақ жүк таситын кемеге не болғанын көрдік. Қауіпті болғасын мұндай жағдайда жүкті түсіруге болмайды. Бейсенбі күні синоптиктердің болжамынша, шамамен сағат 16.00-де ауа райы дұрысталуы керек, сол кезде танкерлер айдынға кіріп, жүк тиеуге тұра алады деп күтіп отырмыз. Өндіруді тоқтатпау үшін әзірге резервуарлар паркінде жұмыс істеп жатырмыз. Жүк жөнелту ауа райы жағдайына байланысты тоқтатылды,- дейді Болат Ақшолақов.
Айта кетейік, Ақпанның 19-ы ауа райының қолайсыздығына байланысты КҚК-да мұнай тасымалдау тоқтатылған болатын.
