СҚО полиция департаменті есірткі қылмысына қарсы іс-қимыл басқармасының қызметкерлері еріктілермен бірлесіп, есірткі заттарын жарнамалаған жазуларды өшіру бойынша рейдтік іс-шара жүргізді, деп хабарлайды Qyzyljarnews.kz тілшісі.
Алдымен әлеуметтік желілерде қала тұрғындарын акцияға жәрдемдесуге шақыру жарияланды. Еріктілер жазудың орналасқан жерін анықтап, полицейлерге хабарлап отырды. Бүгінгі таңда барлығы 15 есірткі граффити жойылды.
– Тұрғындардың хабарламалары есірткі салушыларды ұстауға көмектесті, ал әуесқой бейнежазбалар қылмыстық іс жүргізуде дәлел болды. Сонымен қатар, қаңтар айында екі адам «Instagram»-дағы және OLx.kz сайтындағы хабарландыруларға сілтемелер жіберді. Сайт әкімшілігі полициямен келісім бойынша тез арада өшірді, – деді полиция департаменті есірткі қылмысына қарсы іс-қимыл басқармасының бастығы Иван Терзиди.
Полиция қызметкерлері есірткі сататын ресурстарды анықтау үшін интернет-кеңістікке тұрақты негізде мониторинг жүргізеді. Жыл басынан бері Қазақстан Республикасы индустрия және инфрақұрылымдық даму министрлігіне оларды бұғаттау үшін 31 сілтеме жіберілді. Сондай-ақ қаңтар айынан СҚО полицейлері 35 есірткі құқық бұзушылығын тіркеді. Заңсыз айналымнан 1 келіден астам есірткі алынды, оның ішінде 650 грамы – синтетикалық есірткі.
